Ертеде бір бақа болыпты. Ол батпақта тұрыпты. Бір күні ол өзен жағасында отырды. Бір кезде жағаға үйректер қонды.
– Жол алыс, – деді бір үйрек.
– Тез тамақ жеңдер, сосын ұшамыз. Бұны бақа естіді.
– Кешіріңіз, қайда ұшасыздар? – деді бақа.
– Оңтүстікке ұшамыз, – деді бір үйрек.
– Оңтүстік жылы ма?
– Иә, жылы.
– Онда маса, шіркей көп пе?
– Иә, көп, – деді үйрек.
– Онда мені ала кетіңдер.
– Сенің қанатың жоқ, қалай ұшасың?
– Білмеймін, бiрақ тұра тұрыңдар, мен ойланайын, – деді бақа. Бақа бiраз ойланды, сосын:
– Таптым, таптым, – деп айқайлады.
– Екі үйрек таяқтың екі ұшынан тістейді, мен ортасынан тістеймін. Бірақ сендер қаңқылдамаңдар, мен бақылдамаймын.
– Жарайды, – деді үйрек. Сөйтіп олар ұшты. Екі жақта екі үйрек, ортасында бақа. Бұл қызық көрініс болды. Бұны балалар көрді.
– Бақаны қараңдар, бақаны қараңдар! – деп айқайлады балалар.
– Қызық-ай, бақа ұшып бара жатыр. Бақа мақтанып кетті.
– Бұны мен ойлап таптым, мен, – дегенде бақа шалшыққа құлап түсті.