Бойтұмар
Ханс Кристиан Андерсен
Дыбыстау ұнады ма?
Рақмет! Бұл дыбыстауды жақсартуға көмектеседі.
Сіз 30 секунд тегін тыңдадыңыз
Тыңдауды жалғастыру үшін кіріңіз
Ертегілерді толық тыңдау үшін Google аккаунтымен кіріңіз
Google арқылы кіруЕртеде бір ханзада мен ханша үйленіп, алғашқы тату-тәтті бал айын өткізіп жатады. Екеуі бірін-бірі тапқанына дән риза еді, оларды тек: ғұмырымыздың ең соңғы сәтіне дейін осылай бақытты бола алар ма екенбіз деген қауіпті ой ғана мазалайтын. Сондықтан олар үнемі ерлі-зайыптыны кесір, кесапаттан, жамандық пен зұлымдықтан қорғайтын бойтұмар болса ғой деп армандайды. Сол елде бір дана қарт бар деп есітеді: ол адам иен тоғайда тұрыпты-мыс, оны даналығы үшін елдің бәрі құрметтепті.

Қандай қиындыққа, қандай бақытсыздыққа ұшырағандарға да ақыл тауып береді екен. Ханзада мен ханша да сол дана қартқа келіп, көкейлеріндегі ойларын айтты. Дана қарт тыңдап отырып-отырып былай деді:
— Олай болса, қарақтарым, кезіп, ел аралаңдар, қалай ең бақытты деген, барлығына дән риза ерлі-зайыпты адам жолықтырсаңдар, солардың үстіндегі киімінен қиық алып, тұмар жасап мойындарыңа тағып жүріңдер. Ең жақсы әдіс осы. Мұны естісімен ханзада мен ханша атқа қонып, сапарға аттанады; зайыбымен басқаларға қарағанда өте тату, бақыттырақ тұратын танымал бір сері бар деп есітеді. Ат басын соның қорғанына бұрады, ерлі-зайыптыдан елдің айтқан , өз өмірлеріне шын риза ма екендіктерін сұрай бастайды.
— Бәрі де рас, — деп жауап береді олар. Біздің бір ғана қайғымыз бар: балаларымыз жоқ. Әрине, бұлардың ғұмырын үлгі етіп, бойтұмар тағуға болмас деп есептеген ханзада мен ханша бұл дүниеге дән риза ерлі-зайыптыларды іздеп табуға әрі қарай аттанды. Міне, олар тағы бір қалаға кірді, ұзын құлақтан қалада таза өз табысымен күнелтетін, адал әрі әйелімен толық сыйластықта тұратын сүттей ұйыған бір адамдар бар деп есітеді. Тап соған әдейілеп келіп, жайларын айтып, сіздер өте бақытты жандар дейді сол рас па — деп сұрайды.

— Әлбетте! Айтып отырғаныңыздың бәрі расын рас! — дейді күйеуі.
— Әйеліміз екеуіміз бір-бірімізді жанымыздай жақсы көреміз, тек біздің балаларымыз тым көбірек, ал олармен бірге мұң-мұқтаж да өседі, өзіңіз білесіз, осы жағы уайым. Бұлардың да ғұмырын бойтұмарға лайық деп таппаған ханзада мен ханша тағы жолға аттанып, кімде-кім бақытты шат-шадыман ерлі-зайыптылар көрсе, естісе айтуын сұраймыз деп жар салып, іздей береді, іздей береді. Бірақ ешкім ұшыраспайды. Осылайша аяқ жетер жердің бәрін шарлап, өз ғұмырына дән риза ерлі-зайыпты таппай, елдеріне қайтуды ойлайды. Бір кездерде, көк майсалы отты шалғынға келгенде жол жиегіне таяу арада мал бағып жүрген бақташыны көреді, ол өте көңілді әуенді ойнап отыр. Сонадайдан, бір баласын жетектеп, бір баласын көтерген бақташының әйелі келе жатты. Бақташы әйелін байқай сала, оған қарсы жүріп барып, кішкене сәбиді қолына алып, еркелетіп, сүйіп, басынан асыра әуелетіп көтеріп мәз болды. Бақташының иті де құйрығын бұлғаңдатып, қуанғаннан бір-екі рет шәуілдеп үріп, баланың жанына барып, қолын жалай бастайды. Сол екі арада бақташы әйелі қолындағы түйіншегінің орауын жазып, дастарқан әзірлей қояды.

— Әкесі, кел, асыңды іш. Күйеуі отыра кетіп, асқа қол салды, әуелгі кескенін ол кішкене сәбидің қолына ұстатты, келесісін үлкен ұлы мен итіне бөліп берді. Осының бәрін ханзада мен ханша көріп, естіп келе жатқан. Қастарына жақынырақ келіп, ерлі-зайыптыға тіл қатты.
— Сіздерге қарап тұрып, дүниедегі ең бақытты, сыйластықтары уыздай бұзылмаған жандар-ау деп ойлап қалдық, рас па?
— Иә бұларыңыз шындық еді, — дейді күйеуі.
— Құдайға шүкір, дүниеде деген бекзадалар да бізден бақытты емес шығар.
— Олай болса, — деп жабыса кетеді ханзада,
— бізге рахым ете көріңізші, ол үшін өкінбессіз деп ойлаймыз! Андағы өздеріңіз киіп отырған жейде-көйлектеріңізден бір тұмарлық қиық кесіп бермес пе екенсіздер?! Мұны естіген ері мен әйелі еш нәрсе ұқпаған кейіппен бір-біріне көз тастады да, бақташы тұрып:

— Құдай куә, сіздердей ханзада мен ханшаға қиық түгіл басы бүтін жейдемді де қуана-қуана берер ем, бірақ сол құрғыр бізде жоқ қой. Үйімізде де жоқ, бұйырмасын, деп жалаңаш тәніне киген өңірін ашып көрсетті. Іштері у жұтқандай ашып, дымдары шықпай қалған ханзада мен ханша ары қарай аттанып кетеді. Азып-тозып, мағынасыз жүрістен жалыққан олар ат басын елге бұрады. Ен тоғайдағы дана қарттың тұсынан өтіп бара жатып сәл аялдады, оның осыншама салған ақылына да өкпелері жоқ емес еді, тоқтап, сәтсіз сапарлары туралы айтып берді. Естіп отырған қарт жымия күліп:
— Япырай, босқа келдік дейсіңдер! Сонда бұл сапар сендерге еш нәрсе бермегені ме, еш нәрсе үйретпегені ме? — дейді.
— Жо-жоқ, — дейді ханзада, мен бір нәрсені ұқтым, ол өз ғұмырыңа, бар бақытыңа қанағат ету табиғат берер үлкен сый!
— Ал мен бір нәрсеге көз жеткіздім, — деп қостайды ханша, — бақытты болу деген өзіңді бақытты сезінуде екен! Ханзада ханшаға қолын созып, екеуі бір-біріне өте нәзіктікпен, сүйіспеншілікпен мейірлене көз тастады. Осыны байқаған дана қарт:
— Сендер нағыз бойтұмарды өз жүректеріңнен тапқан . Соны көздің қарашығындай қастерлеңдер, сонда қанағатсыздық пен қаныпезерлік араларыңа ене алмайды, — дейді де ғайып болады. Көпке дейін «білің-де-ер» деген жаңғырық тоғай ішіне қалықтап тұрып алады.

Бойтұмар ертегісі бойынша сұрақ-жауап
Ертегіні оқып болған соң балаңызбен әңгімелесіңіз: алдымен өзі ойлансын, жауабын кейін ашыңыз.
-
Ханзада мен ханша не үшін бойтұмар армандайды?
Жауабы
Ханзада мен ханша кесір, кесапаттан, жамандық пен зұлымдықтан қорғайтын бойтұмар армандайды, себебі олар өздерінің бақытты өмірлерін сақтап қалғысы келеді.
-
Дана қарт ханзада мен ханшаға қандай кеңес береді?
Жауабы
Дана қарт ханзада мен ханшаға жиһан кезіп, бақытты ерлі-зайыптыларды тауып, олардың киімдерінен қиық алып, бойтұмар жасауға кеңес береді.
-
Ханзада мен ханша бақытты ерлі-зайыптыларды табу барысында қандай кедергілерге тап болады?
Жауабы
Олар бақытты ерлі-зайыптыларды іздеп, әртүрлі адамдармен кездеседі, бірақ кейбіреулерінің өмірлерінде қиындықтар мен қайғылар бар екенін біледі, мысалы, балалардың жоқтығы.
-
Ханзада мен ханша сапар барысында қандай адамдармен кездеседі?
Жауабы
Ханзада мен ханша жолда бақытты, риза өмір сүріп жатқан ерлі-зайыптылармен, сондай-ақ адал және сыйластықта тұратын адамдармен кездеседі.
-
Ертегінің негізгі идеясы неде?
Жауабы
Ертегінің негізгі идеясы – бақыттың кілті бір-біріне деген сүйіспеншілік пен сыйластықта, сондай-ақ, қиындықтарға қарамастан, бақытты өмір сүру үшін бір-біріне қолдау көрсету қажеттігінде.
Тамаша! Ертегі аяқталды!
Сен ертегіні соңына дейін оқыдың. Жарайсың!
Күн сайын сағат 20:30-да ұйқы алдында оқитын бір ертегі жібереміз. Күніне тек бір хабарлама.
iPhone-да: «Бөлісу» → «Басты экранға қосу» батырмасын басыңыз. Содан кейін сайтты басты экрандағы белгішеден ашып, хабарламаны осы жерден қосыңыз.
Дайын! Бүгін кешке ертегі күтіңіз 🌙
Қосылмады. Кейінірек қайталап көріңіз.
Сенің атыңмен, сенің суретіңмен 5 ертегі. Ата-анаңа көрсет!
Ата-аналарға: бала туралы ертегі 390 ₸ — Премиумның сынақ аптасы →Ханзада мен ханша бойтұмарды тапса, не болады?
Өз пікіріңді білдір!
Ханс Кристиан Андерсен 8 400 адам оқыды
Android қосымшасы
Барлық ертегілер — телефоныңызда
Ертегілерді үйде де, жолда да оқып, тыңдаңыз. Тегін және жарнамасыз.
- Экран сөніп тұрса да, аудиоертегі тыңдала береді
- Оқуды тоқтаған жерден жалғастырасыз
- Жасы бойынша және аудиосы бар ертегілерді іздеу
- Түнгі фон және ыңғайлы мәтін өлшемі
Оқуды жалғастыру үшін кіріңіз
Бүгінгі тегін ертегілер таусылды. Ертең тағы 3 ертегі оқи аласыз. Жалғастыру үшін Google арқылы кіріңіз — бұл тегін әрі бір секундта орындалады.
Google арқылы кіруAndroid телефоныңыз бар ма? Қосымшада барлық ертегіні кірместен оқи аласыз.
Google Play-ден жүктеу
Пікір қалдыру (0 пікір бар)
Әзірге пікір ешкім қалдырмаған!
Пікір қалдыру