Ертеде бір мерген болды. Сол мерген бір тоғайда от жағып, ет пісіріп жеп отырғанда, бір келіншек – үсті күміс екенін, не темір екенін де білмеді – сылдырлап, тоғайдан мергенге келіп, оттың бір жақ шетіне отырды.
Мерген жеп отырған етінен беріп еді, келіншек қолын көрсетпей, жеңімен алып жеді. Бұдан соң мерген еттің сүйегін мүжіп отырғанда:

— Асылды асылға салдың-ау! — деп келіншек кетіп қалды.
Мерген тұрып:
— Апырай, бұл бір пәле-ау! Бұдан қайтып құтыламын? — деп етін жеп, отын үрлеп жақты да, адам бойы дәу бөренені әкеліп, от жанына жатқызып, үстіне шапанын айқара жауыпты да, өзі таса жерге барып, мылтығын оқтап, дайындалып тұрды.
Аз тұрған соң баяғы келіншектің ақырын келе жатқанын мерген көрді. Келіншек жақындап, қарауытып жатқан мергенді бас салады. «Өлтірдім ғой» деп, қолын қайта тартып жемек болып еді, қолы қайта шықпады.
— Бұлаттан жаратылған адам екен-ау! Бұған өткен менің тырнағым алмас екен-ау! — деп келген залым келіншек күлді.
Бұл келіншек қуанып тұрғанда, мерген өкпеден алып, мылтықты басты. Келіншек өкпесінен оқ тиіп, жығылып жата кетті. Мерген келіп қараса, тырнағына жез киіп алған екен.
— Ой, бір жалмауыз екен! — деп мерген тырнақтарын шығаруға тағат етпей, саусағымен қосып кесіп алды да, «біреу келіп қалар ма» деп, таң атқанша күзетті.
Таң атқан соң мерген атына мініп, тоғайдан шығып, тауға қарай келе жатып, бір сай қабағына шығып еді, үлкен бақ көрді. Бақтың көгалында көк құланның құлындары байлаулы тұр. Үш отау тұр.
— Бұл не ғажап? — деп мерген таңданып, сол отауларға жақындап келіп еді:
— Күйеу келді, күйеу келді, күйеу! — деп қыз-келіншектер алдынан жүгіріп шығып, аттан көтеріп алып, екі қыз екі жағынан сүйеп, бір оңаша отауға келіп отырғызады. Түрлі тамақтармен, қымыздармен сусындатады.

Кеш батқан мезетте әдемі бір келіншек жанында аса сұлу бір қызбен келіп:
— Күйеу, міне, осы қызды ұста. Сенің әйелің, сүйген жарың осы, — деді де шығып кетті.
Мерген аң-таң болды. Әрі-бері ойланып отырып:
— Сен маған әйел болғалы отырсың. Манағы кезде қыз-келіншектер «күйеу, күйеу» деп құрметтейсіңдер. Мен сендерге қайдан күйеу болдым? — депті.
Сол кезде қыз тұрып:
— Ол былай: осы тоғайда бізге қас жалмауыз дәулер бар еді. Сол жалмауыздарды күшіміз келсе біз өлтіріп, болмаса бізді олар өлтіріп кетуші еді. Сонан өле-өле бір жалмауыз қалып, ұстатпай жүруші еді. Келсе, бізді өлтіріп кете беретін. Сонда әкем тұрып: «Осы жалмауызды кім өлтірсе, соған қызымды беремін», — депті. Сіз кеше сол жалмауызды өлтірдіңіз. Енді сізге әкем мені берді, мен сендікпін. Ашираты әс-салам деген жұрттан боламыз. Біз де өзіңдей адамбыз. Сонымен сізге біз бұйырдық. Бірақ сен бүгін түнде ұйықтама. Ұйықтасаң, менен ажырайсың. Ұйықтамасаң, мен аман қалып, мені алып қаласың, — деді қыз.
Мерген: «Мақұл, бір ұйқымды қояйын». Таң қылаң берген кезде мерген қалғып кетіп, көзін қайта ашып алып еді, үш отауы да жоқ, қыз-келіншектері де жоқ, жалғыз қалды. Не істерін білмей, атына мініп, ар шапты, бер шапты. Еш жерден жан адам көрінбеді.
Мерген еліне қайтып келіп, басқа ат мініп, тауға қайтадан жүреді. Бір дәу құс келіп:
— Ә, мерген! Мерген батыр! Ішімде үш айлық балаң бар. Енді алты айдан соң тоқсан жолдың торабынан тауып ал балаңды. Жақсылап күт, сол бала саған бақытты бала болып шығар, — депті.
Мерген алты ай толды-ау деген кезде ел аралап, «Тоқсан жолдың торабы деген қайда?» деп іздеді. Ешкім айта алмады. Бір балгер тұрып:
— Тоқсан жолдың торабы – базар, ар жағында көше бар, сол жерде балаң, — депті.
Мерген базарға барып еді, баяғы көрген қызы:
— Ә, мерген, бері кел, балаңды ал! — деп, төбеден баланы мергенге тастады. — Жақсылап күт балаңды. Жақсылап күтсең, мұратыңа жетесің, — деді. — Қош енді! — деп қыз жайына ұшып кете берді.

Мерген баланы алып, еліне келіп, жақсы асырап, жасынан молдаға берді. Бала жеті жасқа келгенде, патшаның жақсы көретін бірінші уәзірі өлді. Уәзірлікке кім жарайды дегенде, «Мерген баласы жақсы, сол жарайды» деп, мерген баласын уәзір қылды. Бір күндері хан өлді. Хандыққа кім жарайды деп жар салғанда, «Сенімді уәзірі мерген баласы жарайды» деп, жұрт мерген баласын хан сайлады.
Мерген баласы үйленіп, ел билеп, мергенді мұратына жеткізді. Сол уақытта мерген «бақытты балам» деп, Бақытбай деп атын қойды. Бұдан бұрын баланың атын не деп қоярын білмей жүруші еді.
Тамаша! Ертегі аяқталды!
Сен ертегіні соңына дейін оқыдың. Жарайсың!
Күн сайын сағат 20:30-да ұйқы алдында оқитын бір ертегі жібереміз. Күніне тек бір хабарлама.
iPhone-да: «Бөлісу» → «Басты экранға қосу» батырмасын басыңыз. Содан кейін сайтты басты экрандағы белгішеден ашып, хабарламаны осы жерден қосыңыз.
Дайын! Бүгін кешке ертегі күтіңіз 🌙
Қосылмады. Кейінірек қайталап көріңіз.
Сенің атыңмен, сенің суретіңмен 5 ертегі. Ата-анаңа көрсет!
Ата-аналарға: бала туралы ертегі 390 ₸ — Премиумның сынақ аптасы →Қазақ халқының ұлттық ертегілері 27 адам оқыды
iPhone және Android қосымшасы
Барлық ертегілер — телефоныңызда
Ертегілерді үйде де, жолда да оқып, тыңдаңыз. Тегін және жарнамасыз.
- Экран сөніп тұрса да, аудиоертегі тыңдала береді
- Оқуды тоқтаған жерден жалғастырасыз
- Жасы бойынша және аудиосы бар ертегілерді іздеу
- Түнгі фон және ыңғайлы мәтін өлшемі
Оқуды жалғастыру үшін кіріңіз
Бүгінгі тегін ертегілер таусылды. Ертең тағы 3 ертегі оқи аласыз. Жалғастыру үшін Google арқылы кіріңіз — бұл тегін әрі бір секундта орындалады.
Google арқылы кіруAndroid телефоныңыз бар ма? Қосымшада барлық ертегіні кірместен оқи аласыз.
iPhone-ыңыз бар ма? Қосымшада барлық ертегіні кірместен оқи аласыз.
Қосымшада оқу
Пікір қалдыру (0 пікір бар)
Әзірге пікір ешкім қалдырмаған!
Пікір қалдыру