Премиум
Бұл ертегіні диктор оқиды
Өзіңіз салыстырыңыз: сол мәтін, бірақ кідірісімен, күлкісімен, мәнерімен. Балаға ұйықтау оңай болады.
Тағы: балаңыз туралы айына 3 ертегі және Ана тілінің барлық сабағы.
Тым ертеде, ұмыт болған заманда ағайынды үш жетім өмір сүріпті. Мал-мүлік дегеннің атымен болмапты оларда. Аңшылықпен ғана өзектерін жалғап жүріпті.
Бірде ағайынды үшеуі аңға шығыпты да, орман ішінде адасыпты. Бір күн жүріпті, екі күн жүріпті, әбден арып-ашыпты. От жағуға ұйғарысады. От тұтатпақ болып қарманса, шақпағы жоқ. Жолда жоғалтып алса керек. Сіріңке туралы айтпаса да болады. Ол заманда мұндай нәрсені көз көріп, құлақ естімеген ғой. Ағайындылардың ұнжырғасы түсіп кетеді, күн болса кешқұрым болды. Демек, екінші түнді де орманда аш-жалаңаш өткізуге тура келді.
Дәл осы кезде амырт қараңғылығында сайдың екінші қабағынан үлкен оттың лаулап жанғанын көріпті. Ағайынды үшеуі қуанғандарынан айқайға басып, еш кешеуілдетпестен ең үлкенін от әкелуге жұмсайды. Үлкені жүгіре жөнеледі. Міне, отқа да жетті. Ал алау жанында әбден еңкейген, ақсақалды бір қария отыр екен. Жігіт қариядан от сұрайды.

Ал қария оған былай дейді:
— Бәрекелді, ұлым, маған бір жағынан шындық, ал екінші жағынан алғанда ойдан шығарылғандай көрінетін бір әңгіме айтып бер ғой. Отты содан кейін аларсың, — дейді.
Жігіт ойланып қалады. Бірақ ойына ештеңе оралмады. Ал шынын айтса, болмашы нәрсемен басын қатырғысы келмеді. Олар аш-жалаңаш, ал от болса мынау, лаулап жанып жатыр. Оны алу үшін бірдеңелерді ойдан шығаруға тура келгені ме? Ол шала жанған бір бұтақты алады да, тайып тұрады. Басы жерге жетіп отырған шал мықты болса, қайраты тасыған жап-жас жігітті қуып жетіп көрсін! Бірақ қаншама таң-тамаша көрінсе де, қария оны екі аттап-ақ қуып жетті. Отты тартып алып, қолындағы аса таяғымен жігіттің жонынан салып-салып жіберді.
Ол інілеріне қайта бұрылып, болған істі түп-түгел баяндап берді.
— Әй, сен керемет, «мен керемет ептімін» деп қанша мақтанып едің, — деп ортаншысы оны мұқатып тастады.
— Ал жығылғалы тұрған шалдан жанып жатқан бір жаңқа алып келе алмаған соң, ет қақтайтын істік жона беріңдер, мен қазір келемін, — деп, ортаншысы отқа кетті.
Қарияның жанына келіп, ол да от сұрайды. Қария оған да ағасына айтқанын айтады. Бұдан арғы оқиға да дәл бір жолғыдай түп-түгел қайталанады. Жігіт көп ойланып жатпай-ақ, оттан жанып жатқан бір бұтақты алады да, қайратты аяқтарының күшіне сеніп, бауырларына қарай қаша жөнелді. Бірақ босқа арам тер болыпты. Қария сол сәтінде оны қуып жетіп, желкесінен ұстайды да, аса таяғының астына алады. Жігіт салы суға кетіп, ұяттан беті күйіп, екі көзі бұлаудай болып оралыпты.
— Оу, неткен жандар едіңдер? — деп бұлқан-талқан болады кенжесі. — Ақылынан алжасқан шалды алдай саларлық бір қызық оқиға таба алмағандарың ба?
Сөйтті де, амырт қараңғылығында жұмбақтана лаулай жанған отқа бет алып, суырыла жөнелді. Үш ағайындының кенжесіне шал өз шартын қайталап айтады:
— Бәрекелді, ұлым, шындыққа да, өтірікке де келетін бір әңгіме айтып берші, — деді.
Бала уақытты босқа өткізбей, мынадай әңгімені бастырмалата жөнелді:

— Менің шешем де, әкем де бұл дүниеге келмеген ескі заманда бір күні мен орманға жидек теруге барып, адасып кеттім. Бір күн, бір түн бойы адасып жүріп, ақырында маған беймәлім бір өзенге тап болып тоқтадым. Не істеу керек? Өзеннен қайтып жүзіп өтпекпін? Құлағымнан ұстадым да, өзімді келесі жағаға бір-ақ лақтырдым. Өзен арқылы зулағаным соншалық, көк үйрек ұшқанда ғана естілетіндей сұмдық шуылдан құлағым бітеліп қала жаздады. Арғы жағаға топ ете түстім де, құмға көміліп қалдым. Тек саусақтарым ғана қылтиып көрініп тұр. Біттім, ажалымның жеткен жері осы болды деп ойладым. Сол күйімде ұзақ жатқанымды да, әлде қас-қағым сәт болғанын да білмеймін. Бір қарасам, құмға келіп бір қарға қонды да, мені төңіректеп кетпей қойды. Мен жан ұшырдым да, құйрығына жармаса кеттім. Қарға мені құмнан суырып шығарып қана қойған жоқ, әуеге алып ұшты да, дәу қуыс ағаштың ұшар басына жеткізді. Мені соның басына қондырған кезде, мен сол ағаштың қуысымен жерге қарай зымырадым.
Осы жерге келгенде бала демін бір алып, әңгімесін жалғай түсті.
— «Шоқтан қашып, отқа түсті» деген осы шығар деп ойладым. Ағаштың қуысы дегенің мен үшін табыттың дәл өзі ғой. Одан түк артықшылығы жоқ. Өлмек болдым, тіпті көзімді де тарс жұмып алдым. Арада біраз уақыт өткенде әлгі қарға мені қайтадан тауып алыпты. Оның көзінің қырағы екені белгілі ғой. Мені тауып алған сәтінде қарқылдаған күйі сонау зеңгір аспаннан ағаштың қуысына қарай саулай жөнелді. Осы арада әлгі қарғаның мені әуеге қалай алып шыққаны есіме сап ете қалып, енді оның қанатына жармастым. Қарға қайтадан әуелей өрлеп, мені бір ғажайып белге жеткізді де, өзі одан әрі ұшып жөнелді.
— Осы арада «мына қашықтан туған топырағыма қалай жетпекпін?» деп, өзімнен-өзім сұраймын. Еңсем түсіп кетті. Анасынан адасқан үйректің балапанындай әрлі-берлі шаба беріппін. Бақытыма орай бір шаруаға кезігіппін. Ол маған ақыл бергенде, сол болды:
— «Балақай, шөптің сабағынан жіп ес, сонымен төмен түс», — деді. Осыны айтты да, менің қолыма бір құшақ сабанды ұстата салды. Мен сабаннан жіп есіп, бір ұшын шаруаға ұстата қойдым да, өзім сонымен төмен қарай түсе бастадым. Бірақ тағы да жолым болмады. Мен өрген жіп жерге жетпеді. Сөйтіп, мен көк пен жердің арасында қалдым да қойдым. Егер қанатым болса ғой, шіркін, онда не көкке шарықтап кетер едім, не жерге түсер едім. Ал енді не істеймін? Өмір бойы әуеде салбыраған күйде қала бермекпін бе? Әй, не болса да, көріп алармын! Жіпті қоя берсем, әйтеуір жерге бір жететін шығармын. Жерге жетуін жеттім-ау, бірақ жерге емес, ұйықтап жатқан нағыз аюдың үстіне құлаппын. Тосын жайдан аю ақыра тұра келіп, орманға қарай безіп кеткені. Осы да жететін шығар, қария, — деп, кенже әңгімесін доғарды. — А, сен өзің әлдеқашан түсінген шығарсың. Менің өмірім талай рет қыл үстінде тұрды. Бірақ көріп отырсың, мен әлі күнге дейін дін аман күйдемін.
Қария тапқырлық көрсеткен кенженің әңгімесіне қатты риза болып, оған ұзақ та бақытты өмір тілеп, өз алауынан отты өзі апарып беріпті деседі.

Тамаша! Ертегі аяқталды!
Сен ертегіні соңына дейін оқыдың. Жарайсың!
Күн сайын сағат 20:30-да ұйқы алдында оқитын бір ертегі жібереміз. Күніне тек бір хабарлама.
iPhone-да: «Бөлісу» → «Басты экранға қосу» батырмасын басыңыз. Содан кейін сайтты басты экрандағы белгішеден ашып, хабарламаны осы жерден қосыңыз.
Дайын! Бүгін кешке ертегі күтіңіз 🌙
Қосылмады. Кейінірек қайталап көріңіз.
Сенің атыңмен, сенің суретіңмен 5 ертегі. Ата-анаңа көрсет!
Ата-аналарға: бала туралы ертегі 390 ₸ — Премиумның сынақ аптасы →Қазақ халқының ұлттық ертегілері 30 адам оқыды
iPhone және Android қосымшасы
Барлық ертегілер — телефоныңызда
Ертегілерді үйде де, жолда да оқып, тыңдаңыз. Тегін және жарнамасыз.
- Экран сөніп тұрса да, аудиоертегі тыңдала береді
- Оқуды тоқтаған жерден жалғастырасыз
- Жасы бойынша және аудиосы бар ертегілерді іздеу
- Түнгі фон және ыңғайлы мәтін өлшемі
Оқуды жалғастыру үшін кіріңіз
Бүгінгі тегін ертегілер таусылды. Ертең тағы 3 ертегі оқи аласыз. Жалғастыру үшін Google арқылы кіріңіз — бұл тегін әрі бір секундта орындалады.
Google арқылы кіруAndroid телефоныңыз бар ма? Қосымшада барлық ертегіні кірместен оқи аласыз.
iPhone-ыңыз бар ма? Қосымшада барлық ертегіні кірместен оқи аласыз.
Қосымшада оқу
Пікір қалдыру (0 пікір бар)
Әзірге пікір ешкім қалдырмаған!
Пікір қалдыру